2.2. Maktabgacha yoshdagi bolalarda xotira va uning psixologik
ko’rinishlari sakllantirishning p
е
dagogik - psixologik jihatlari
Maktabgachaa yoshidagi bolalarda har sohaga doir savollarning
tug’ilishi ular tafakkurining faollashayotganidan darak beradi. Bola o’z
savoliga javob topa olmasa yoki kattalar uning savoliga ahamiyat
bermasalar, undagi qiziquvchanlik susaya boshlaydi.
Odatda har qanday tafakkur jarayoni biron narsadan taajjublanish,
hayron qolish va natijada turli savollarning tug’ilishi tufayli paydo bo’ladi.
Juda ko’p ota-onalar va ayrim tarbiyachilar ham bolalar ortiqroq savol berib
yuborsalar, «ko’p maxmadona bo’lma», «sen bunday gaplarni qayerdan
o’rganding», deb jerkib tashlaydilar. Natijada bola o’ksinib, o’z bilganicha
tushunishga harakat qiladi. Ammo ayrim passiv va tortinchoq bolalar hech
bir savol bermaydilar. Bunday bolalarga turli mashg’ulotlar va sayohatlarda
kattalarning o’zlari savol berishlari va shu bilan ularni faollashtirishlari lozim.
Har qanday tafakkur, odatda biron narsani taqqoslash, analiz va
sintez qilishdan boshlanadi. Shuning uchun biz ana shu taqqoslash, analiz
va sintez qilishni tafakkur jarayoni deb ataymiz. Sayohatlarlar bolalardagi
tafakkur jarayonini faollashtirish va rivojlantirishga yordam beradi. Bolalar
tabiatga qilingan sayohatlarda turli narsalarni bir-biri bilan taqqoslaydilar va
analiz hamda sintez qilib ko’rishga intiladilar.
Maktabgachaa yoshidagi bolalar nutqi va uning o’sishi Agar 2 yashar
bolaning so’z zapasi taxminan 250 tadan 400 tagacha bo’lsa, 3 yashar
bolaning so’z zapasi 1000 tadan 1200 tagacha va 7 yashar bolaning so’z
zapasi 4000 taga yetadi. Demak, maktabgachaa yoshi davrida bolaning
nutqi ham miqdor, ham sifat jihatidan ancha takomillashadi. Maktabgachaa
yoshidagi bolalarning nutqini o’sishi oilaning madaniy saviyasiga bog’liq.
Kattalar bolalar nutqini o’stirish bilan shug’ullanar ekanlar,
maktabgachaa yoshidagi bolalar ba’zi hollarda o’z nutq sifatlarini to’la idrok
eta olmasliklarini unutmasliklari kerak. Bundan tashqari, bolalarda
murakkab nutq tovushlarini bir-biridan farq qilish qobiliyati ham hali to’la
takomillashmagan bo’ladi. Tili chuchuklikni tuzatishning eng birinchi
shartlaridan biri bola bilan to’la va to’g’ri talaffuz etib, ravon til bilan
gaplashishdir.
Maktabgachaa yoshidagi bolalar shaxsining shakillanishiga ko’ra bu
davrni uch qismga ajratish mumkin: Birinchi davr–bu 3–4 yosh oralig’ida
bo’lib, bola emotsional jihatdan o’z–o’zini boshqarishning mustahkamlanishi
bilan bog’liqdir. Ikkinchi davr–bu 4–5 yoshni tashkil qilib ahloqiy o’z –o’zini
boshqarish. Uchinchi davr esa 6-7 yoshni tashkeil qilib shaxsiy ishchanlik
va tadbirkorlik xususiyatining shakllanishi bilan harakterlanadi.
Maktabgacha davrda ahloqiy tushunchalar borgan sari qat’iylasha
boradi. Axloqiy tushunchalar manbai bo’lib ularning ta’lim –tarbiyasi bilan
shug’ullanayotgan kattalar, shuningdek, tengdoshlari ham bo’lishi
mumkin. Axloqiy tajribalar asosan muloqot, kuzatish, taqlid qilish
jarayonida, shu bilan birga kattalarning ayniqsa onalarning maqtovi va
tanqidlari orqali o’tadi va mustahkamlanadi. Bola doimo baho, ayniqsa
maqtov olishga harakat qiladi. Bu baho va maqtovlarning bola shaxsidagi
muvaffaqiyatga
erishishga
harakat
xususiyatining
rivojlanishida,
shuningdek, uning shaxsiy hayoti, hamda kasb tanlashida ahamiyati juda
katta.
Maktabgachaa yoshidagi 6 - 7 yosh davrida bolalarda muloqotning
yangi motivlari yuzaga keladi. U shaxsiy va ishbilarmonlik motivlaridir.
SHaxsiy muloqot motivlari bu –bolaning tashvishga solayotgan ichki
muammolari bilan bog’liq, ishbilarmonlik motivlari esa u yoki bu ishni
bajarish bilan bog’liq bo’lgan motivlardir. Bu motivlarga asta –sekinlik bilan
bilim, ko’nikma va malakalarni egalash bilan bog’liq bo’lgan o’qish motivlari
qo’yiladi. Bu motivlar ilk bolalik davrdan boshlanib yuzaga keladigan
bolalarning tabiiy qiziquvchanligi o’rnida paydo bo’ladi. O’zini ko’rsatish
motivlari ham bu yoshda yaqqol namoyon bo’ladi. Bu motiv asosan
bolalarning syujetli –rolli o’yinlarda asosiy rolni egallashga boshqalar
ustidan rahbarlik qilishga, musobaqaga kirishishga qo’rqmasligida nima
bo’lganida ham yutishga harakat qilishlarida ko’rinadi. Maktabgacha yosh
davri bolalari uchun kattalar beradigan baholari juda muhim. Bolalar birinchi
navbatda maishiy axloq norma va qoidalarni, o’z majburiyatlariga
munosabat, kun tartibiga rioya etish, hayvon va narsalar bilan muomila
qilish normalarini egalaydilar. Bunday normallarni egallash bu yoshdagi
bolalar uchun qiyin hisoblanib, ularni yaxshi o’zlashtirish uchun syujetli –
rolli o’yinlar yordam berishi mumkin. Maktabgachaa yoshining oxirlariga
kelib, ko’pchilik bolalarda aniq bir ahloqiy qarashlar tarkib topadi,
shuningdek, odamlarga munosabat bilan bog’liq bo’lgan shaxsiy sifatlar
ham
shakllanadi.
Kishilarga
nisbatan
diqqatli,
mehribon
bo’lish
xususiyatidir. Katta yoshdagi bolalar ko’p xollarda o’z xatti –harakatlari
sababini tushuntirib bera oladilar .
3–3,5
yosh
oralig’ida
o’zlarining
muvaffaqiyat
va
muvaffaqiyatsizliklariga o’z munosabatlarini bildiradilar va bu munosabat
asosan ularning o’zlariga beradigan baholari asosida bo’ladi. 4 yoshli
bolalar esa o’z imkoniyatlarini real baholay oladilar. Lekin 4 –5 yoshli
bolalar hali shaxsiy xususiyatlarini idrok etishga va baholashga qodir
emaslar, shuningdek o’zlari xaqida ma’lum bir xulosani bera olmaydilar. O’z
–o’zini anglash layoqati katta maktabgachaa yoshidan boshlab rivojlanib
avval u qanday bo’lganini va kelajakda qanday bo’lishini fikrlab ko’rishga
harakat qiladi. Bu esa bolalar beradigan «Men kichkina paytimda qanday
bo’lgan edim?», «Men katta bo’lganimda qanday bo’laman?» singari
savollarida ko’rinadi. Kelajak haqida fikr yuritib, bolalar kelgusida kuchli,
jasur, aqlli va boshqa shu singari qimmatli insoniy fazilatlariga ega
bo’lishiga harakat qiladilar.
Kichik va o’rta maktabgacha yoshida bola harakterining shakllanishi
davom etadi. U asosan bolalarning kattalar harakterini kuzatishlari asosida
tarkib topadi. Shu yillardan boshlab bolada ahamiyatli hisoblangan – iroda,
mustaqillik va tashabbuskorlik kabi ahamiyatli shaxsiy xususiyatlar rivojlana
boshlaydi. Katta maktabgachaa yoshida bola atrofdagi odamlar bilan turli
faoliyatlarda muloqot va munosabatlarga kirishishga o’rgana boshlaydi. Bu
esa unga kelajakda odamlar bilan til topishishda, ish bo’yicha va shaxsiy
munosabatlarni normal ravishda o’rnata olishida foyda keltiradi. Bu
yoshdagi bolalar shaxsining shakllanishida ularning ota –onalari haqidagi
fikrlari va ularga beradigan baholari nihoyatda ahamiyatlidir.
Maktabgachaa yoshidagi bolalarning xayoli, asosan, ularning turli-
tuman uyin faoliyatlarida o’sadi. Biroq, shu narsa diqqatga sazovorki, agar
maktabgachaa yoshidagi bolalarda xayol qilish qobiliyati bo’lmaganda edi,
ularning xayoli ham xilma-xil bo’lmas edi. Maktabgachaa yoshidagi
bolalarning xayollari turli xil mashg’ulotlarda ham o’sadi. Masalan,
maktabgachaa yoshidagi bolalar loy o’ynashni, ya’ni loydan turli narsalar
yasashni, qumdan turli narsalar ko’rib o’ynashni va rasm solishni yaxshi
ko’radilar. Ana shunday mashg’ulotlar bolalar xayolining o’sshiga faol ta’sir
qiladi.
Maktabgacha yoshidagi bolalar xayolining o’sishiga faol ta’sir qiluvchi
omillardan yana biri ertaklardir. Bolalar hayvonlar haqidagi turli ertaklarni
eshitganlarida shu ertaklardagi obrazlarga nisbatan ma’lum munosabat
yuzaga keladi.
Bola olti yoshga lug`ati boyib, kundalik hayoti va qiziqishlari doirasiga
kiradigan har qanday holat, narsa, hodisa va voqialarni boshqa kishilarga
oson tushintirib bera oladi. Nomal o`sgan bola uch yoshida 500 va undan
ortiqroq so`zni ishlatsa, olti yoshli bola 3000 dan to 7000 gacha so`zni
ishlatadi. Olti yoshli bolaning lug`ati ot, fel, olmosh, sifat, son va
bog`lovchilardan tashkil topadi. Olti yoshli bolaga nutqning o`zi uchun yangi
bo`lgan tomonini o`rganishga intilib, o`ynagan holda uni analiz qila
boshlaydi.
Bola aynan shu yoshda ona tili sistemasiga rioya qilgan holda gapira
boshlaydi. Bog`chaga qatnaydigan bola nutqini anglagan holda analiz qilish
malakasiga ega bo`ladi. U so`zni tovush jihatdan analiz qila oladi, so`zdagi
tovushlar tartibini aniqlay biladi. Bola so`zdagi bosh tivushni intornatsiya
bilan ajratgan holda so`zni oson, quvonib talaffuz qiladi. U huddi shu tarzda
so`zdagi ikkinchi va undan keyingi turgan tovushlarni ham ajrata oladi.
Olti yoshli so`zning tovush tarkibini analiz qilishga maxsus o`rgatilsa,
uning o`zi ham tovush tarkibini aniqlash maqsadida so`zni talaffuz qila
boshlaydi. Bu o`qish va yozishni muvaffaqqiyatli egallash imkonini beradi.
Mobodo bolani bunga maxsus o`rgatilmasa, u hatto oddiy so`zlarning ham
tovush analizni qlila bilmaydi. Chunki, og`zaki muomalada bo`lish bola
oldiga so`zning tovush analizini maxsus rivojlantirishni maqsad qilib
qo`ymaydi. Shuning uchun ham bunday bolalar rivojlanishda bir oz orqada
qoladilar.
Nutqning asosiy vazifasi aloqa qilishdir. Olti yoshli bolaning nutqi
tevarak – atrofdagilarga tushunarli bo`ladi. Bola gap nima haqida
borayotgan bo`lsa, o`sha narsani yetarli me`yorida to`liq tasvirlab,
shuningdek eshitgan tarixiy voqea va sodir bo`lgan narsa haqida hikoya
qilib bera oladi.
Olti yoshli bola nutqi madaniy nutq bo`lishi uchun faqat gapni to`g`ri
tuzish, bayon qilayotgan fikrning aniq, tushunarli bo`lishining o`zi yetarli
emas, bunda faoliyatni o`zi planlashtira oladi. Bunda u nima qilishini,
qanday qilishini va u yoki bu qanday izchillikka bajarmoqchi ekanligini
gapirib bera oladi. Planlshtirish esa so`zsiz, bola diqqatini oshiradi.
Shuni aytish kerakki, olti yoshli bolalar o`z xatti – harakat va xulq –
atvorlarini boshqara olsalar –da, ularda ixtiyorsiz diqqat ustun turadi.
Odatda bir xilda ish – harakatlaridan iborat bo`lgan, bolani o`ziga jalb eta
olmaydigan faoliyat ustida diqqatni to`plash bu yoshdagi bolalarga qiyinlik
qiladi. Bola diqqatining mana bu xususiyati esa ular bilan olib boriladigan
mashg`ulotlarga o`yin elementini va faoliyat turini tez – tez almashtirib
turishni kiritish zarurligidan dalolat beradi. Olti yoshli bolalar, intellektual
masalalar ustida diqqatni to`plab turishga qodirlar, lekin bunda ular tez
charchaydilar.
Chia sẻ với bạn bè của bạn: |