Toshkent tibbiyot akademiyasi shadmanova L. Sh. «Involyusion psixozlar»
II. RUHIY KASALLIKLARDA BEMORLARNI TEKSHIRISH USULLARI
tải về 3.9 Mb. Chế độ xem pdf
|
| II. RUHIY KASALLIKLARDA BEMORLARNI TEKSHIRISH USULLARI
2. 1. KLINIK TEKSHIRISH USULI Klinik tekshirish usuli ruhiy kasallik tashxisini qo‘yishda asosiy usullardan biri bo‘lib xizmat qiladi. Tekshirish tarkibiga bemor to‘g‘risidagi pasport ma’lumotlari, bemorning shikoyatlari, mazkur kasallik anamnezi, somatik va nevrologik tekshiruv, ruhiy holat tekshiruvi va yor- birodarlarini ham mazkur kasallik haqida so‘rab surishtirish lozimdir. 8 Bemorning eslab qolish qobiliyati, fikrlash qobiliyati sustlashganda, alahlaganda, dissimulyatsiya holatida bemor kasallik to‘g‘risida aniq va tamomila yetarli ma’lumotlar (sub’ektiv anamnez) bera olmaydi. Ba’zi hollarda bemor qarindosh-urug‘lardagi (shajarasidagi) ruhiy kasalliklar haqida, bolalik davridagi biror bir ahamiyatga ega bo‘lgan hollarni, bosh miya jarohatlari, tutqanoq tutish, es- hushini yo‘qotib qo‘yish hollari haqida ma’lumotlarga ega bo‘lmasligi mumkin. Yuqorida keltirilgan barcha sharoitlarda bemorning qarindosh- urug‘i, yor- birodarlari, qo‘ni-qo‘shnilarini so‘rab surishtirish, ya’ni ob’ektiv anamnez yig‘ish tavsiya etil adi. Ob’ektiv anamnez bemor ishtirokisiz yig‘ilishi lozim. Bemorning xayoti to‘g‘risida ma’lumotlarni yig‘ib olish jarayonida birinchi navbatda irsiyatning nobopligiga — ota-ona, qarindosh-urug‘ning ruhiy sog‘ligini aniqlab olishga ahamiyat berish kerak. N aslda qayd etilgan ruhiy kasallikning barchasi ta’riflab berilmog‘i lozim. Bundan tashqari, o‘z hayotiga suiqasdlik qilgan, o‘zini g‘alati tutadigan, aqli zaif, tutqanog‘i bor shaxslar, kashandalar, ichkilikbozlik turli xil somatik kasalliklarga aloqador shaxslar bor- yo‘qligini aniqlash lozim. Mazkur kasallikning qanday boshlanganligini so‘zlab berayotganda kasallik qanday (to‘satdan, asta-sekin) boshlanganligi, kasallikning boshlangan vaqti va joyi, shuningdek uning sabablari (bemorning o‘z fikriga ko‘ra), birinchi alomatlari, zo‘rayishi, kechishini belgilash, turmush tarzi o‘zgarishlarining ta’sirini, qilingan davoga (o‘z-o‘zini davolash, vrach maslahati bilan, davolashga) ahamiyat berish kerak. Bemorning qaysi vaqtdan boshlab psixiatr nazoratida bo‘lganligini va davolashning yakunini oydinlashtirish zarur. Agar bemor kasalxona qoshida davolangan bo‘lsa, unda u qachon, qayer da bo‘lsa, qanday dorilar, qanday miqdorda, qancha vaqt davomida olinganligini aniqlash lozim. Ko‘shimcha so‘rab-surishtirish orqali bemor ruhiy kasallikka yo‘liqishi munosabati bilan uning holati mehnat va turmush sharoitiga qanday ta’sir etganligi, oldin nogironlikda bo‘lish-bo‘lmasligi to‘g‘risidagi ma’lumotlar aniqlanadi. Ruhiy kasalliklar kasalxonasiga qayta tushgan bemorlar uchun har bir bemorning kasalxonada yotishi to‘g‘risida qo‘shimcha ma’lumotlar olinadi. tải về 3.9 Mb. Chia sẻ với bạn bè của bạn:
|