10
Xususan, Rossiya Federatsiyasi «Auditorlik faoliyati to‘g‘risidagi
qonuni»da «Audit – belgilangan tartibda jalb etilgan auditor
tomonidan, tashkilot buxgalteriya hisobotlarining to‘g‘riligi yuzasidan
o‘z fikrini bildirishi maqsadida, shu tashkilot buxgalteriya
ma’lumotlarini mustaqil ravishda o‘rganishdir» deyilgan.
Audit
sohasida sermahsul ilmiy izlanish olib borayotgan bir qator rus
mutaxassislari auditorlik faoliyatiga quyidagicha ta’rif keltirilganlar:
«Auditorlik faoliyati – auditorlik firmalari tomonidan iqtisodiy
subyektlarning moliyaviy hisobotlari,
hisob-kitob hujjatlari, soliq
deklaratsiyalari va boshqa moliyaviy majburiyatlarini mustaqil
ravishda tekshirishga yo‘naltirilgan tadbirkorlik faoliyatidir».
G‘arbda, xususan, AQSHda «audit» atamasiga ta’rif berishda
1971-yilda
Amerika
Buxgalterlar
Assotsiatsiyasi
(American
Accounting Association) tomonidan ishlab chiqilgan quyidagi ta’rif
keng bayon etiladi: «Audit – iqtisodiy
faoliyat va voqealarga doir
ma’lumotlarni, ularning belgilangan mezonlarga moslik darajasini
o‘rganish maqsadida, qo‘lga kiritishga,
baholashga va natijani
manfaatdor shaxslarga taqdim etishga yo‘naltirilgan tizimlashgan
jarayondir». Amerika Sertifikatlangan Jamoat Buxgalterlari Instituti
(American Institute of Certified Public Accountants) keltirgan ta’rifga
ko‘ra esa «Audit – maxsus belgilangan auditor tomonidan
kompaniyaning moliyaviy hisobotlarini mustaqil ravishda o‘rganish va
ushbu hisobotlarning AQSH umumqabul
qilingan buxgalteriya
tamoyillari (US Generally Accepted Accounting Principles)ga mos
kelishi yuzasidan o‘z fikrini bayon etishdir». Umuman olganda,
AQSHlik mutaxassislar auditga iqtisodiy subyektning faoliyati va
holatiga doir ma’lumotlarni to‘plash va baholashga qaratilgan tizim
sifatida qaraydilar.
Ba’zi yevropalik mutaxassislar
esa auditni moliyaviy
hisobotlardan foydalanuvchilar uchun shu hisobotlarga doir axborot
riskini minimallashtirishga yo‘naltirilgan faoliyat deb ta’kidlaydilar.
Shotlandiya Sertifikatlangan Buxgalterlar Instituti (Intitute of Certified
Accountants in Scotland) keltirgan ta’rifga ko‘ra esa «Audit –
boshqaruv tizimining samaradorligi va butligini, moliyaviy hisobot-
larning to‘liqligini ta’minlashga yo‘naltirilgan
kompleks chora-
tadbirlar majmuyidir».
11
Bizning fikrimizcha, «Audit – shu sohada faoliyat yuritish
huquqiga ega bo‘lgan shaxslar tomonidan korxona moliyaviy
axborotining to‘g‘ri va to‘liqligini, ma’lum
qonun-qoidalarga asosan
tuzilgani yoki ularga mos tushishini tekshirish va natijani manfaatdor
tarafga yetkazishga yo‘naltirilgan faoliyatidir». Ushbu ta’rifda keltirilgan
«moliyaviy axborot» jumlasi, birinchi navbatda, buxgalteriya axborotini
anglatadi.
Yuqorida keltirilgan ta’riflardan
kelib chiqib shuni aytish
mumkinki, auditorlik faoliyatining asosiy vazifasi moliyaviy axborotning
haqqoniy va to‘liqligi yuzasidan fikr bildirishdan iborat. Ammo
auditorlik faoliyati faqatgina tekshirish va fikr bildirish funksiyalaridan
iborat bo‘lmay, auditorlar tomonidan soliq, moliyaviy boshqaruv,
axborot texnologiyalari va boshqa bir qator sohalar bo‘yicha qo‘shimcha
ravishda kasbga doir xizmatlar ham ko‘rsatiladi.
Chia sẻ với bạn bè của bạn: