8
auditor, ya’ni «tinglovchi» atamasi shu iqtidorli o‘quvchilarga nisbatan
qo‘llanilish asosida amaliyotga kirgan.
1
Ushbu qarashlar audit atamasining
kelib chiqishiga doir turli
fikrlarni ilgari sursada, ular o‘rtasida auditning mohiyatiga doir
umumiylik ham mavjud. Ushbu umumiylik shundan iboratki,
yuqoridagi holatlarning har birida auditor:
‒ jamoatchilik ishonchini qozongan;
‒ o‘zining ma’lum bir qobiliyati, bilimi bilan o‘zgalardan ajralib
turgan;
‒ jamiyat farovonligi, rivoji yo‘lida xizmat qilgan shaxs sifatida
namoyon bo‘ladi.
Yuqorida keltirilgan ma’lumotlardan shu narsa ma’lum bo‘ldiki,
audit sohasi o‘zining u yoki bu ko‘rinishida insoniyatning qadim tarixi
davomida doimo mavjud bo‘lgan. Albatta hozirgi zamonaviy audit
o‘zining yuqorida keltirilgan davrlardagi mohiyatidan tubdan farq
qiladi.
Shu o‘rinda, ushbu sohaning XXI
asrga qadar yetib kelishiga
asosiy sabab nimada, degan haqli savol yuzaga kelishi mumkin. Bunga
sabab – jamiyatning audit sohasiga ehtiyojidir. Jamiyat ehtiyoji
bo‘lmaganda edi, audit shunday uzoq rivojlanish bosqichini bosib
o‘tmagan bo‘lar edi. Jamiyat tomonidan bu sohaga ehtiyojning yuzaga
kelishidagi asosiy omil esa jamiyatning ishonchli moliyaviy axborotga
ehtiyojidir.
Moliyaviy axborot moliyaviy munosabatlarning natijasi sifatida
yuzaga keladi. Moliyaviy munosabatlar esa u yoki bu ko‘rinishda
qadim davrlardan, xususan, ibtidoiy jamoa tuzumi davridayoq mavjud
bo‘lgan. Moliyaviy munosabatlarni yuzaga keltiradigan asosiy omillar
(1) resurslar; (2) shu resurslarga doir axborot. Jamiyat resurslarni
ayriboshlash, ular bilan savdo-sotiq qilish jarayoni asosida hayot
kechiradi. «Iqtisodiyot otasi» hisoblangan shotland mutafakkiri Adam
Smit tomonidan 1799-yilda yozilgan «Xalqlar boyligi» nomli asarda
ta’kidlanganidek, ushbu jarayonda jamiyatning har bir a’zosi o‘z
shaxsiy manfaatini ko‘zlagan holda ish tutadi.
Natijada jamiyatni
“ko‘rinmas qo‘l” boshqarayotgandek bo‘ladi va jamiyat rivojlanadi.
Demak, jamiyat vakillari manfaatlari doimiy ravishda to‘qnashadi.
1
Р.А. Алборов, Л.И. Хоружий, С.М. Концеваya «Основi аудита». – М.: «Дело и сервис», 2001.
9
Afsuski, bu manfaatlar doim ham o‘zaro mos tushavermaydi. Bundan
kelib chiqib, Adam Smit ta’rifiga qo‘shimcha tarzda shuni keltirish
lozimki, manfaatlar to‘qnashuvi jarayonida har bir vakil o‘z manfaatini
halol, qonuniy asosda ko‘zlagan holda ish tutishi lozim. Aks holda
jamiyat taraqqiyot sari emas, balki inqiroz sari yuz tutadi.
Ushbu jarayonda tenglikni ta’minlash, biror shaxsning boshqa bir
shaxs hisobiga o‘z manfaatlariga erishishiga yo‘l qo‘ymaslik maqsa-
dida, jamiyatda moliyaviy munosabatlar borasida o‘ziga xos hakamga
ehtiyoj yuzaga keladi. Ushbu vazifani esa auditor bajaradi.
Qimmatli qog‘ozlarni sotib olish yoki sotishga doir qaror qabul
qilayotgan investor, kredit taqdim etish masalasini ko‘rib chiqayotgan
bank, korxonalarni daromad solig‘iga tortish asosida davlat budjetiga
kirimni ta’minlayotgan soliq idoralarining
barchasi ikkinchi bir
tomondan taqdim etilgan moliyaviy axborotga tayangan holda ish
tutadilar, qaror qabul qiladilar. Ushbu vaziyatda, axborot yetkazib
beruvchilar manfaati ushbu axborotdan foydalanuvchilar manfaatlari
bilan bevosita to‘qnashadi. Bunday holatda auditor hakamlik qilmas
ekan, biror shaxs tomonidan faqat o‘z manfaatlarini ko‘zlagan holda
taqdim etilgan noto‘g‘ri ma’lumotlarga asosan investor zarar ko‘rishi,
bank taqdim etgan kreditlaridan mahrum bo‘lishi,
soliq idoralari esa
aslida undirilishi lozim bo‘lgan soliq summasidan kam miqdordagi
summani undirishlari mumkin. Natijada jamiyatning har bir a’zosi
zarar ko‘radi.
Ushbu vaziyatda auditorning ishtirok etishi jamiyatga qanday
foyda keltiradi? Avvalo, auditor taqdim etilgan moliyaviy axborot
aslida noto‘g‘ri ekanligini investorga, bankka oldindan ma’lum qiladi.
Natijada ular noto‘g‘ri qaror qabul qilmaydilar, o‘z mablag‘larini
daromad keltiradigan tarmoqlar, korxonalar o‘rtasida taqsimlaydilar va
jamiyat faqat foyda ko‘radi.
Yuqoridagi holat shuni ko‘rsatadiki, auditor jamiyatda o‘ta
muhim va mas’uliyatli o‘rin egallaydi. Uning jamiyat farovonligi va
taraqqiyotiga qo‘shadigan hissasi nihoyatda katta.
Chia sẻ với bạn bè của bạn: