1.3. Fanning predmeti, maqsadi, vazifalari va metodologik asoslari.
“Kasbiy pedagogika” fanining maqsadi – talabalarda kasbiy ta’lim
yo‘nalishining Davlat ta’lim standartida belgilangan hajmdagi ilmiy-nazariy bilim,
amaliy malaka va ko‘nikmalar hamda kasbiy kompetensiyani shakllantirishdan
iborat. SHuningdek, talabalarni kasbiy pedagogika va kasbiy psixologiya fani bilan
tanishtirish, ularga kasbiy faoliyatda zarur bo‘ladigan fanga oid bilimlarni berish,
kerakli bilimlarni shakllantirish va ko‘nikmalarni hosil qilishdir.
“Kasbiy pedagogika” fanining vazifalari:
- fanning ilmiy-nazariy va amaliy asoslari, kasbiy ta’lim sohasidagi
islohotlarni haqida bilimlarni o‘zlashtirish;
- ta’lim oluvchilar shaxsini kasbiy shakllantirish;
- kasbiy psixodiagnostik jarayon asoslarini, shaxsning xususiyatlarini, psixik
holatini, muomala va tasavvurining qonuniyatlarini o‘zlashtirish;
- shuningdek, kasb tanlash, kasbga yo‘naltirish, kasbiy kamolotga doir
psixologik konsepsiyalarni o‘rganishdan iborat.
Kasbiy pedagogika talabalarning ta'limi, tarbiyasi, o‘qishi hamda rivojlanish
qonuniyatlarini o‘rganadi, ta'lim va tarbiya, pedagogik va axborot texnologiyalarini
qo‘llash me'zonlarini ishlab chiqadi, kasb ta'limi muassasalari turlarini va ulami
boshqarish tizimi asoslaydi. U pedagogik nazariyalar to‘g‘risidagi bilimlami,
innovatsion texnologiyalarni loyihalash uslublarini umumlashtiradi. Kasbiy
pedagogika fani insonni kasbiy faoliyatga tayyorlash, yangi avlodni kasbiy
tarbiyalash, malakali ishchi kuchini yangi talablar darajasiga moslab borishni
ko‘zda tutadi.
Kasbiy pedagogika jahon miqyosida tan olingan eng ilg‘or metodlar va
yo‘nalishlar bilan boyib bormoqda. Bugungi kunda o‘zining keng tatbig‘ini kutib
yotgan, fan boshqa sohalari bilan bog‘liq ravishda ishlab chiqilgan yangi
konsepsiyalar va nazariyalar rivojlantirilmoqda.
Chia sẻ với bạn bè của bạn: |