ishtirokchilar o‘yin mazmunini tushinib olganicha va qulayroq yerga joylashib
olgancha qanoat hosil qilganidan keyin ishora qiladi.
Shartli chegaralar oldindan
belgilab qo‘yilishi, o‘yin uchun zarur qo‘llanmalar esa o‘yin qoidalariga muvofiq
bo‘lib berilgan va joy-joyiga qo‘yilgan bo‘lishi lozim. Rahbar o‘yin boshlanishi
bilanoq, uning borishini va o‘ynovchilarning harakatlarini
diqqat bilan kuzatadi
hamda boshqarib boradi. Bundan tashqari o‘yin davomida ayrim qoida va usullarni
qo‘shimcha ravishda tushuntiradi. Tuzatish, tanbeh va mulohazalarni o‘yinning
borishiga xalaqit bermaydigan yoki uni to‘xtatib qo‘ymaydigan yoki uni to‘xtatib
qo‘ymaydigan yo‘sinda aytish lozim. Agar o‘yinchilarning ko‘pchiligi bir xil
xatoga yo‘l qo‘yayotgan bo‘lsa, tegishli yo‘l-yo‘riq berish yoki o‘yin qoidalari
qanday bajarilishini ko‘rsatish uchun o‘yinni to‘xtatish mumkin.
Lekin uni
baqirishi yoki keskin ishora bilan to‘xtatish yaramaydi. Katta maktab yoshidagi
bolalarni «Diqqat!» degan shartli ishora yoki xushtak chalish bilan to‘xtashga
o‘rgatish lozim.
O‘qituvchi bolalarni o‘yin qoidalarini ongli va aniq bajarishga odatlantirishi
kerak. Bu odat ularni intizomga o‘rgatishda katta ahamiyatga ega bo‘lib, bolalarda
o‘z burchini sezish va o‘z hatti-harakatlari uchun javobgarlik hissini
tarbiyalash,
o‘zini tuta bilish va matonatlilikni o‘stirishda yordam beradi. O‘qituvchining
vazifasi-o‘quvchilardan o‘yin qoidalarini aniq bajarishini talab qilishdir. Ammo u
bolalar o‘yinini yomon o‘zlashtirayotgani uchun ortiqcha bachkanalik qilmasligi
kerak.
O‘quvchilar yo‘l qo‘yadigan xatolar va qo‘polliklarni oldini olishga alohida
ahamiyat bilan qarash lozim. qo‘polchilik qilgan o‘yinchini albatta jazolash kerak.
Bunday xollarda ba’zi ta’sir ko‘rsatish choralarini qo‘llash ya’ni vaqtincha
o‘yindan chiqarib yuborish, jarima ochkolari berish mumkin.
O‘yinchi rahbarlik qilishda o‘quvchilarni faqat erishiladigan natijalarga qiziqtirish
bilan cheklanmaslik, balki ularda o‘yin jarayonining o‘zidan zavq-shavq qilishga,
lazzatlanish hissini vujudga keltirishga ham jiddiy e’tibor berish lozim. Ayniqsa,
unga faollik ko‘rsatmaydigan o‘yinchilarning tashabbusini qo‘llab-quvvatlash,
rag‘batlantirish va bu balki ularda o‘z kuchlariga ishonch
hosil qilish tavsiya
etiladi. O‘ynovchilar o‘rtasida o‘rtoqlariga, to‘g‘ri munosabat o‘rnatishga harakat
qilish, g‘olablarning kekkayib ketishlari va yutqazganlarning o‘yindan sovishlariga
yo‘l qo‘ymaslik lozim.
Rus pedagogi A.S.Makarenkaning o‘g‘il va qiz bolani o‘zining shaxsiy
muvoffaqiyati
bilangina emas, balki xususan o‘z komandasi yoki tashkilotning
muvaffaqiyatlari bilan ham fio‘rlanish ruhida tarbiyalash zarurligi haqida aytgan
gaplarini hech qachon unutmaslik kerak.
Shuningdek, bolalarda har qanday
maqtanchoqlikni bartaraf etish, raqib kuchiga hurmat-e’tiborni tarbiyalash, ularni
uyushqoqlikning, mashq qilishning va komandada intizom bo‘lishning ahamiyatini
tushuntirish zarur. Nihoyat, bolalarning o‘z muvaffaqiyatlari va mag‘lubiyatlariga
jiddiy munosabatda bo‘lishga erishish kerak.
O‘quvchilar o‘yinni yaxshilab o‘zlashtirib olashlari uchun uni bir necha
marta qaytarish, bunda ular o‘yindan qanchalik mamnun bo‘lsalar, uni shunchalik
puxta eslab qolishlarini unutmaslik kerak.
Chia sẻ với bạn bè của bạn: