Shu bilan birga, keyingi yillarda O'zbekistonda ekologik vaziyatni yaxshilash va barqaror turizmni rivojlantirish borasida bir qator chora-tadbirlar ko'rilmoqda. Davlat darajasida qabul qilingan qarorlar, tashkil etilgan maxsus boshqarma va amalga oshirilayotgan xalqaro loyihalar ekologik muammolarni hal qilish va turizmning barqaror rivojlanishiga xizmat qiladi. Ekoturizm, "yashil" texnologiyalar, chiqindilarni qayta ishlash va ekologik ta'lim kabi yo'nalishlar jadal rivojlanishi O'zbekistonning ham ushbu global tendensiyadan chetda qolmasligini ko'rsatadi. Biroq, bu boradagi sa'y-harakatlarni yanada kuchaytirish, ayniqsa, aholining ekologik madaniyatini oshirish, ularni atrof-muhitni muhofaza qilishga jalb etish muhim ahamiyat kasb etadi. O'zbekistonda ekologik muammolarning turizm sohasiga ta'sirini kamaytirish uchun kompleks yondashuv talab etiladi. Davlat organlari, turizm kompaniyalari, ekologik tashkilotlar va jamoatchilik birgalikda harakat qilishi lozim. Faqat ushbu muammolarni o'z vaqtida hal etish orqaligina mamlakatda barqaror va mas'uliyatli turizmni rivojlantirish mumkin. O'zbekistonda ekologik muammolar turizm sohasiga salbiy ta'sir ko'rsatmoqda. Ushbu muammolarni bartaraf etish uchun quyidagi tavsiyalar ishlab chiqildi: Ekologik turizmni yanada rivojlantirish, tabiiy hududlar, milliy bog'lar, qo'riqxonalarni muhofaza qilish va ular haqida jamoatchilik orasida keng targ'ibot ishlarini olib borish. "Yashil" texnologiyalarni joriy etish, qayta tiklanadigan energiya manbalaridan foydalanish, chiqindilarni qayta ishlash va utilizatsiya qilish tizimini takomillashtirish. Atrof-muhitni muhofaza qilish bo'yicha qonunchilikni yanada takomillashtirish, ekologik normativ-huquqiy hujjatlarni ishlab chiqish va ularning ijrosini ta'minlash. Aholi va turistlar orasida ekologik ta'lim va targ'ibot ishlarini kuchaytirish, ularni atrof-muhitga mas'uliyatli munosabatda bo'lishga undash.
Chia sẻ với bạn bè của bạn: |