2.2. Auditorlik faoliyatini tashkil etishning huquqiy asoslari
Bozor iqtisodiyoti sharoitida xo‘jalik yurituvchi subyektlarda
moddiy, moliyaviy, mehnat va boshqa resurslardan samarali
foydalanish bilan bir qatorda nazorat tizimini tashkil etishning
ahamiyati
ham
katta.
Zero,
samaradorlik
ko‘rsatkichlariga
axborotning ishonchliligi va yetarliligi bevosita ta’sir ko‘rsatadi, shu
bois xo‘jalik yurituvchi subyekt faoliyati ko‘rsatkichlari mas’ul
shaxslar tomonidan moliyaviy hisobotlarning buzib ko‘rsatilishiga
olib kelishi mumkin. Buning natijasida mulkdorlar tomonidan
rejalashtirilgan muhim dasturlarning amalga oshmay qolish ehtimoli
kuchayadi.
O‘zbekiston Respublikasi Prezidentining 2017-yil 7-fevraldagi
«O‘zbekiston Respublikasini yanada rivojlantirish bo‘yicha Harakat-
lar strategiyasi to‘g‘risida»gi PF-4947-sonli Farmonida belgilangan
2017–2021-yillarda O‘zbekiston Respublikasini rivojlantirishning
beshta ustuvor yo‘nalishi bo‘yicha Harakatlar strategiyasida belgilan-
gan vazifalardan kelib chiqib, O‘zbekistonda amalga oshirilayotgan
ijtimoiy-iqtisodiy islohotlar davrida auditorlik faoliyatining normativ-
huquqiy va uslubiy bazasi takomillashtirilmoqda, shuningdek,
auditorlik
faoliyatini
litsenziyalashning
soddalashtirilgan
va
muddatsiz tizimi joriy etilmoqda, bu auditorlik xizmatlari bozorining
shakllanishiga va mahalliy auditorlik tashkilotlari auditorlik kompa-
niyalarining yirik xalqaro tarmoqlariga kirishini ta’minlashga imkon
yaratadi
1
.
2018-yil 19-sentabrda O‘zbekiston Respublikasi Prezidentining
PQ-3946-son «O‘zbekiston Respublikasida auditorlik faoliyatini
yanada rivojlantirish chora-tadbirlari to‘g‘risida»gi qarori qabul
qilindi. Qarorda belgilanganidek, qator muammolar va kamchiliklar
1
O‘zbekiston Respublikasi Prezidentining 2017-yil 7-fevraldagi «O‘zbekiston Respublikasini yanada
rivojlantirish bo‘yicha Harakatlar strategiyasi to‘g‘risida»gi PF-4947-sonli Farmoni
44
auditorlik faoliyatining yanada rivojlanishiga, boshqarishga oid
qarorlarni qabul qilish va korporativ boshqaruv sifatini oshirish uchun
auditorlik xizmatlarining ahamiyatini oshirishga to‘sqinlik qilmoqda,
xususan:
birinchidan, auditorlik tashkilotlariga ishonch darajasi past,
shuningdek,
auditorlik
tekshiruviga
moliyaviy
hisobotning
haqqoniyligini tasdiqlashning kafolati emas, balki ortiqcha va malol
keladigan ma’muriy tartib-taomil sifatida qaralmoqda;
ikkinchidan, auditorlik tashkilotlarini tanlab olish bo‘yicha
mavjud cheklovlar va tanlovlar o‘tkazish amaliyoti ko‘p hollarda
insofsiz, shu jumladan narx borasida insofsiz raqobatni keltirib
chiqaradi, buning oqibatida auditorlik xizmatlari sifati va auditorlik
xulosalarining haqqoniyligi pasaymoqda;
uchinchidan, auditorlarni maxsus tayyorlash va ularning
malakasini oshirishning amaldagi tizimi yuzaki tusga ega bo‘lib,
professional tayyorgarlikning va auditorlik xizmatlari sifatining
zaruriy darajasini, shu jumladan auditorlik faoliyatining xalqaro
standartlariga mosligini ta’minlamayapti, bu esa auditor kasbi
nufuzining pasayishiga olib kelmoqda;
to‘rtinchidan, auditorlik tashkilotlari ishi sifatini tashqi nazorat
qilishning samarali tizimi mavjud emas, bu litsenziyalovchi organning
huquqiy ta’sir choralari cheklangani sharoitida sifatsiz auditorlik
xizmatlarini ko‘rsatish hollariga va auditorlarning insofsiz xatti-
harakatlariga nisbatan tezkor chora ko‘rish imkonini bermayapti;
beshinchidan,
auditorlik
faoliyatining
milliy
standartlari
umume’tirof etilgan xalqaro audit standartlariga to‘liq mos emas, bu
esa xorijiy investorlarda mahalliy korxonalar moliyaviy hisobot-
larining haqqoniyligini tushunish ko‘nikmasining shakllanishini
ta’minlamayapti.
Qarorda auditorlik xizmatlari bozorining rivojlanishi uchun
sharoitlarni yanada yaxshilash va auditorlik faoliyatini tartibga
solishda xalqaro standartlarga muvofiq zamonaviy yondashuvlarni
joriy etish maqsadida auditorlik faoliyatini rivojlantirishning quyidagi
ustuvor yo‘nalishlarini amalga oshirishni ta’minlash belgilangan:
auditorlik faoliyati to‘g‘risidagi qonun hujjatlarini takomillash-
tirish, shu jumladan xalqaro standartlar asosida, auditorlik xizmatlari
sifatini oshirishga va ishbilarmonlar hamjamiyatining auditorlik
45
tashkilotlari ishi natijalariga ishonchini qo‘llab-quvvatlashga qaratil-
gan auditorlik tashkilotlari ishi sifatini tashqi nazorat qilishning
ta’sirchan tizimini shakllantirish;
yoshlarni auditorlik kasbiga jalb etish, xususan professional
jamoat birlashmalarining tegishli oliy ta’lim muassasalari bilan faol
hamkorligini ta’minlash;
auditorlik tashkilotlarining xalqaro auditorlik tarmoqlariga jalb
etilganlik darajasini oshirish, shu jumladan auditorlik tashkilotlarini,
auditorlarni auditning xalqaro standartlarini qo‘llash masalalarida faol
uslubiy jihatdan qo‘llab-quvvatlashni tashkil etish;
auditorlar respublika jamoat birlashmalarining xalqaro audit
standartlarini belgilovchi xalqaro tashkilotlar bilan o‘zaro hamkorlik
qilish, ushbu standartlarni qo‘llash sohasida jahonning ilg‘or tajribasini
ommalashtirish bo‘yicha faoliyatini faollashtirish
1
.
Qarorga muvofiq 2019-yilning 1-yanvaridan boshlab shunday
tartib o‘rnatiladiki, unga muvofiq:
tijorat tashkiloti, agar u haqdagi axborot Tadbirkorlik
subyektlarining yagona davlat reyestriga kiritilgan sanadan boshlab
uch oy davomida auditorlik faoliyatini amalga oshirish uchun
litsenziyaga ega bo‘lgan auditorlik tashkilotlari reyestriga kiritilmagan
bo‘lsa, o‘z nomida «auditorlik tashkiloti» so‘zlaridan foydalanishga
haqli emas;
auditorlik
faoliyatini
amalga
oshirish
uchun
litsenziya
litsenziatga barcha turdagi auditorlik tekshiruvlarini o‘tkazish huquqini
beradi;
auditorlik tashkilotining ustav kapitali auditorlik tashkiloti
faoliyatini amalga oshirishda bevosita foydalaniladigan mol-mulkdan,
shu jumladan pul mablag‘laridan shakllantiriladi;
auditorlik tashkiloti asosiy ish joyi hisoblangan auditorlarning
eng kam soni kamida to‘rt nafar shtatdagi auditordan iborat bo‘ladi;
aynan bitta xo‘jalik yurituvchi subyektning auditorlik tekshiruvi
ketma-ket yetti yildan ortiq bo‘lmagan muddatda o‘tkaziladi;
O‘zbekiston
Respublikasi
Moliya
vazirligi
tomonidan
auditorlarning respublika jamoat birlashmalari bilan birgalikda har uch
1
O‘zbekiston Respublikasi Prezidentining 2018-yil 19-sentabrdagi PQ-3946-son «O‘zbekiston Respublikasida
auditorlik faoliyatini yanada rivojlantirish chora-tadbirlari to‘g‘risida»gi qarori.
46
yilda kamida bir marta auditorlik tashkilotlari ishining sifati tashqi
nazoratdan o‘tkaziladi;
auditorlik tashkilotlari o‘zlarining veb-saytlarida yoki auditorlar
jamoat
birlashmalarining
veb-saytlarida
o‘tkazilgan majburiy
auditorlik tekshiruvlari to‘g‘risidagi axborotni xo‘jalik yurituvchi
subyektning identifikatsiya ma’lumotlarini va auditorlik xulosasini
ko‘rsatgan holda e’lon qiladi.
Shuningdek, qarorga muvofiq 2019-yil 1-yanvardan boshlab
auditorlik tashkilotlari ustav kapitalining eng kam miqdoriga doir;
auditorlik tashkilotlari rahbarlarining attestatsiyadan o‘tishi bo‘yicha;
ustav kapitalida davlat aksiyalari (ulushlari) to‘plami 50 foizdan ortiq
bo‘lgan korxonalarda tashqi auditni o‘tkazish uchun auditorlik
tashkilotini O‘zbekiston Respublikasi Xususiylashtirilgan korxona-
larga ko‘maklashish va raqobatni rivojlantirish davlat qo‘mitasi va
Moliya vazirligi tomonidan belgilanadigan ro‘yxat ichidan tanlov
asosida tanlash to‘g‘risidagi talablar bekor qilindi.
Shuningdek, 2020-yil 1-yanvardan:
a) hisobot yili yakuni bo‘yicha quyidagi shartlardan bir vaqtning
o‘zida ikkitasiga javob bergan tijorat tashkilotlari ham har yili
majburiy auditorlik tekshiruvidan o‘tishi lozim:
aktivlarining balans qiymati bazaviy hisoblash miqdorining yuz
ming baravari miqdoridan ortiq bo‘lsa;
mahsulotlarni (ishlarni, xizmatlarni) realizatsiya qilishdan
olingan tushumi bazaviy hisoblash miqdorining ikki yuz ming baravari
miqdoridan ortiq;
xodimlarning o‘rtacha yillik soni 100 kishidan ortiq bo‘lsa;
b) auditorlik tashkilotlari auditorlik faoliyatini faqat Xalqaro
buxgalterlar federatsiyasi tomonidan nashr etiladigan xalqaro audit
standartlari asosida amalga oshiradi;
d) majburiy auditorlik tekshiruvlarini o‘tkazuvchi auditorlik
tashkilotlari ishi sifatining tashqi nazorati natijalari O‘zbekiston
Respublikasi Moliya vazirligining veb-saytida e’lon qilinadi.
Qarorga muvofiq:
auditor malaka sertifikati dastlab besh yillik muddatga beriladi,
navbatdagi muddat o‘n yilga uzaytiriladi va undan keyin muddatsiz
davrga beriladi;
47
xalqaro buxgalter sertifikati mavjud bo‘lganda auditor malaka
sertifikatini berishni va amal qilish muddatini uzaytirishni,
shuningdek, 10 yildan kam bo‘lmagan uzluksiz auditor ish staji
mavjud bo‘lganda auditor malaka sertifikatining amal qilishini
muddatsiz davrga uzaytirishni malaka imtihonini topshirmasdan
amalga oshiriladi;
«buxgalteriya hisobi» va «audit» mutaxassisliklari bo‘yicha
magistr diplomiga ega bo‘lgan auditor malaka sertifikatini olishga
talabgorlar uchun auditorlik tashkilotida bir yildan kam bo‘lmagan
amaliy ish stajiga (shu jumladan, o‘rindoshlik asosida) ega bo‘lish
talabi o‘rnatiladi.
Qarorga muvofiq O‘zbekiston Respublikasi Davlat soliq
qo‘mitasi quyidagilarni ta’minlashi lozim:
a) har yili 1-iyulga qadar majburiy auditorlik tekshiruvidan
o‘tgan xo‘jalik yurituvchi subyektlar to‘g‘risida quyidagi axborotni o‘z
veb-saytida joylashtirish:
xo‘jalik yurituvchi subyektning identifikatsiya ma’lumotlari
(soliq to‘lovchining nomi va identifikatsiya raqami);
auditorlik tashkilotining identifikatsiya ma’lumotlari (nomi,
auditorlik faoliyatini amalga oshirish uchun litsenziyaning sanasi va
raqami);
auditorlik xulosasining nusxasi;
b) majburiy auditorlik tekshiruvini o‘tkazmagan xo‘jalik
yurituvchi subyektlarga nisbatan o‘z vaqtida choralar ko‘rish;
d) quyidagilar bo‘yicha ma’lumotlar bazasini shakllantirish:
majburiy auditorlik tekshiruvidan o‘tishi shart bo‘lgan xo‘jalik
yurituvchi subyektlar to‘g‘risida;
majburiy auditorlik tekshiruvi o‘tkazilishidan bo‘yin tovlagan
xo‘jalik yurituvchi subyektlar va ularning mansabdor shaxslariga
nisbatan qo‘llanilgan moliyaviy sanksiyalar to‘g‘risida.
Auditorlik tashkilotlari tomonidan auditorlik faoliyatining milliy
standartlari asosida ko‘rsatiladigan auditorlik xizmati xo‘jalik
yurituvchi
subyektlar
faoliyatini
yaxshilashda
va
ularning
samaradorligini oshirishda muhim shartlardan biri bo‘lib hisoblanadi.
U xo‘jalik yurituvchi subyektlarning moliyaviy resurslardan oqilona
foydalanish darajasini, foydalanilmagan ishlab chiqarish rezervlarini
aniqlashda, xo‘jalik yurituvchi subyektlarni kelgusida moliyaviy
48
holatini yanada yaxshilash bo‘yicha takliflar ishlab chiqish imkonini
yaratadi.
O‘zbekiston Respublikasi Prezidentining 2017-yil 7-fevraldagi
«O‘zbekiston
Respublikasini
yanada
rivojlantirish
bo‘yicha
Harakatlar strategiyasi to‘g‘risida»gi PF-4947-sonli Farmonida
belgilangan 2017–2021-yillarda O‘zbekiston Respublikasini rivojlan-
tirishning beshta ustuvor yo‘nalishi bo‘yicha Harakatlar strategiyasi,
2018-yil
28-dekabrdagi
O‘zbekiston Respublikasi Prezidenti
Sh.M.Mirziyoyevning 2019-yilda mamlakatimizni rivojlantirishning
eng
muhim
ustuvor
vazifalari
to‘g‘risidagi
Parlamentga
Murojaatnomasida belgilangan vazifalardan kelib chiqib keltirilgan
ma’lumotlar, asosiy tushuncha va qarashlar, ustuvor yo‘nalishlar va
xulosalarni puxta o‘zlashtirishlari, kelgusi faoliyatlarida samarali
foydalanishlari hamda ijodiy yondashishlarini ta’minlash fanning
oldida turgan asosiy vazifalar bo‘lib hisoblanadi.
“Auditga kirish” fanining maqsadi xo‘jalik yurituvchi
subyektlarda auditorlik tekshiruvini o‘tkazish, moliyaviy resurslardan
oqilona foydalanish darajasi, foydalanilmagan ishlab chiqarish
rezervlarini aniqlash, xalqaro audit standartlari asosida ko‘rsatiladigan
auditorlik xizmatida foydalaniladigan axborot manbalari, kompleks
auditorlik tekshiruvining mazmuni va asosiy tamoyillari, xo‘jalik
faoliyatini ifodalovchi ko‘rsatkichlarni kompleks tahlil qilish usullari,
boshqaruv tizimida kompleks auditni tashkil qilishni shakl va
usullarini bilish va ulardan foydalana olish, auditorlik tashkilotlarining
kasbga doir xizmatlari, xo‘jalik yurituvchi subyektlar faoliyati bilan
tanishish, auditni rejalashtirish, muhimlik va auditorlik riski, auditorlik
hujjatlari va dalillari, auditorlik tanlash, ekspert ishidan foydalanish,
auditda me’yoriy-huquqiy hujjatlarga rioya etilishini tekshirish, auditor
ish sifatini nazorat qilish, moliyaviy hisobot tarkibidagi boshqa
ma’lumotlar, maxsus savollarni tekshirish natijalari bo‘yicha
auditorning hisoboti, auditorlik tekshiruvlar natijalarini umumlash-
tirish va baholash, auditorlik hisoboti va auditorlik xulosasini xalqaro
audit standartlari bo‘yicha tayyorlash kabi masalalar hisoblanadi.
“Auditga kirish” fanining maqsadidan kelib chiqqan holda
o‘qitishning vazifalari quyidagilarni o‘z ichiga oladi: xo‘jalik
yurituvchi subyektlarni moliyaviy hisobot ma’lumotlari qonun
hujjatlariga mosligini aniqlash maqsadida tekshirish to‘g‘risida
49
tushuncha
hosil
qilish;
auditorlik
tekshiruvlari
natijalarini
umumlashtirish va baholash; moliyaviy hisobot va boshqa moliyaviy
axborot to‘g‘riligi va qonun hujjatlariga mosligini aniqlash maqsadida
tekshirish usullarini o‘rgatish; auditorlik hisobotida moliyaviy xo‘jalik
operatsiyalarining qonuniyligi buzilishi faktlarini hamda ularni
bartaraf etish yuzasidan takliflarni aks ettirishni o‘rgatish; auditorlik
hisoboti va auditorlik xulosasini tayyorlash va hokazo.
Mamlakatimizda shakllangan va rivojlanayotgan auditorlik
faoliyatini huquqiy-me’yoriy tartibga solish tizimini uchta pog‘onaga
bo‘lish mumkin. Ushbu tizimning birinchi (yuqori) pog‘onasida
O‘zbekiston Respublikasining «Auditorlik faoliyati to‘g‘risida»gi
qonuni
(yangi
tahriri)
turadi.
Ushbu
qonun
2021-yil
25-fevralda qabul qilingan bo‘lib, 55 moddadan iborat.
«Auditorlik faoliyati to‘g‘risida»gi O‘zbekiston Respublikasi
qonunini amalga oshirish maqsadida qabul qilingan hukumat
qarorlarini ham ushbu tizimning birinchi pog‘onasiga kiritish mumkin.
Jumladan, 2000-yil 22-sentabrda O‘zbekiston Respublikasi Vazirlar
Mahkamasining 365-sonli «Auditorlik faoliyatini takomillashtirish va
auditorlik tekshirishlarining ahamiyatini oshirish to‘g‘risida»gi qaror
qabul qilindi.
Ushbu qarorga muvofiq «Auditorlik xulosalarini soliq organlari
va boshqa nazorat organlari tomonidan hisobga olish tartibi
to‘g‘risidagi Nizom», «Majburiy auditorlik tekshiruvi o‘tkazishdan
bo‘yin tovlaganligi uchun xo‘jalik yurituvchi subyektlardan jarima
undirish tartibi to‘g‘risidagi Nizom» va «Auditorlik faoliyatini amalga
oshirish uchun auditorlik tashkilotlariga litsenziya berish to‘g‘risidagi
Nizom» tasdiqlangan.
Auditorlik faoliyatini me’yoriy tartibga solish tizimining ikkinchi
pog‘onasi – Xalqaro Audit Standartlari va boshqa me’yoriy hujjatlarni
o‘z ichiga oladi – bu barcha auditorlik tashkilotlari o‘zlarining
professional faoliyatlari jarayonida rioya qilishlari lozim bo‘lgan
yagona asosiy tamoyillardir.
Auditorlik faoliyatini amalga oshirish jarayonida auditorlik
standartlariga rioya qilish audit sifatini va uning natijalari
ishonchliligini kafolatlaydi. Auditorlik faoliyati milliy standartlarini
xalqaro standartlar talablari darajasiga yyetkazish uchun shakl va
mazmun jihatidan keng qamrovli ishlar amalga oshirilmoqda.
50
Auditorlik standartlarining ahamiyati quyidagilardan iborat:
ularga rioya qilinganda auditorlik tekshiruvlarining yuqori
sifatli bo‘lishi ta’minlanadi;
auditorlik amaliyotiga yangi ilmiy yutuqlarni joriy etishga
yordam beradi;
muayyan vaziyatlarda auditorlar qanday ish tutishlarini
belgilab beradi.
Shuningdek, «Auditorlik faoliyati to‘g‘risida»gi qonunning
28-moddasiga muvofiq auditorlik tashkiloti «Auditorlik tekshiruvining
shakllari va usullarini mustaqil belgilaydi». Demak, auditorlik
tashkiloti o‘zining ichki ish standartlarini shakllantirishi va buyruq
bilan tasdiqlashi zarur. Ichki standartlarda tekshiriladigan xo‘jalik
yurituvchi subyektning tarmoq, texnologik va boshqa xususiyatlari aks
ettirilishi kerak. Ammo, ularning qoidalari xalqaro standartlar
qoidalaridan chetga chiqmasligi lozim. Ichki standartlarni auditorlik
faoliyati huquqiy-me’yoriy tartibga solish tizimining uchinchi
pog‘onasiga kiritish mumkin.
Chia sẻ với bạn bè của bạn: |