O’zbekiston respublikasi oliy va o’rta maxsus ta’lim vazirligi toshkent moliya instituti
- MAVZU. MOLIYAVIY HISOBOT AUDITINING MAQSADI VA UNING
tải về 2.74 Mb. Chế độ xem pdf
|
| 1- MAVZU. MOLIYAVIY HISOBOT AUDITINING MAQSADI VA UNING
ASOSIY TAMOYILLARI 1.1. Moliyaviy hisobot auditi fanining maqsadi, vazifalari va me’yoriy- huquqiy asoslari «Moliyaviy hisobot auditi» fani hozirgi rivojlangan iqtisodiyotda auditning o’rni va ahamiyati, iqtisodiy nazorat tizimida auditning roli, moliyaviy hisobotlarni hujjatli va haqiqiy tekshiruvlardan o’tkazishning xususiyatlari, iqtisodiy ma’lumotlarni umumlashtirib, tahlil qilib, real ma’lumotlarga ega bo’lish, korxonaning iqtisodiy ko’rsatkichlari va moliyaviy hisobotlari bo’yicha xulosa va takliflar berishda yetarli darajada bilimlarni beradi. Auditorlik faoliyatini rivojlantirish iqtisodiy islohotlarni chuqurlashtirish sharoitida nihoyatda muhim hisoblanadi. Auditorlik tekshiruvida asosiy e’tibor moliyaviy hisobot auditiga qaratilib, bu o’z navbatida, moliyaviy hisobotdan foydalanuvchilarga ishonchli xulosa berishda o’z aksini topadi. Xo’jalik yurituvchi sub’ektlarda moliyaviy hisobot auditining qonuniy- me’yoriy asoslari tarkibida xalqaro auditorlik standartlari muhim o’rin tutib, u ushbu kasb bilan shug’ullanishning muayyan me’yorlarini belgilab beradi. Shu boisdan ham respublikamizda auditorlik faoliyatining milliy tizimini ishlab chiqishga alohida e’tibor qaratilmoqda. Auditning milliy standartlarini ishlab chiqishda xalqaro audit standartlariga tayanilmoqda. Respublikamizda ishlab chiqilayotgan auditning milliy standartlari, avvalo, O’zbekistonda shakllangan iqtisodiy madaniyat va xo’jalik yuritish uslubiga mos kelishi lozim. “Moliyaviy hisobot auditi” fani talabalariga yirik xo’jalik yurituvchi sub’ektlarda auditorlik faoliyati xususida bilimlar berishga xizmat qiladi va mazkur fan magistratura ta’lim bosqichida auditorlik faoliyatiga qo’yilgan xalqaro talablar xusisida atroflicha bilim berishga xizmat qiladi. Ushbu fanning maqsadi – moliyaviy hisobot auditi bo’yicha mustahkam nazariy bilimlarni amaliy ko’nikmalarni shakllantirish hamda shu sohaga doir yangiliklar bilan yaqindan tanishishdir. «Moliyaviy hisobot auditi» fanini vazifalari buxgalteriya balansi, moliyaviy natijalar to’g’risidagi hisobot va moliyaviy 8 hisobotning boshqa shakllarini xalqaro audit standartlari asosida auditorlik tekshiruviga oid nazariy va amaliy masalalarni echish hisoblanadi. O’z navbatida, yuqoridagi ta’rifdan kelib chiqqan holda fanning ob’ektlari deganda fan aynan nima(ob’ekt)larni o’rganishini izohlash talab etiladi. Demak, moliyaviy hisobot auditi fanining ob’ektlari bo’lib, xo’jalik yurituvchi sub’ektlarda amalga oshirilgan xo’jalik muomalalari va moliyaviy hisobot ko’rsatkichlari hisoblanadi. Bunday ob’ektlar qatoriga xo’jalik yurituvchi sub’ektlarning mulk(tovar-moddiy zahiralari, kapital va moliyaviy qo’yilmalari, asosiy vosita va nomoddiy aktivlari) va mablag’ (pul mablag’lari va qimmatli qog’oz)lari harakati bo’yicha muomalalar hamda mazkur muomalalarga oid moliyaviy hisobotlardagi ko’rsatkichlarni misol qilib keltirish mumkin. Mazkur fanning sub’ektlari deganda esa yuqorida ta’kidlangan fanning ob’ektlarini o’rganishda qatnashuvchilar, ya’ni, xo’jalik yurituvchi sub’ektlar mulk va mablag’laridan foydalanuvchilar, ular hisobi va nazoratini amalga oshiruvchilar tushuniladi. Quyidagi 1.1.–jadvalda moliyaviy hisobot auditining vujudga kelish tarixi keltirilgan. tải về 2.74 Mb. Chia sẻ với bạn bè của bạn:
|