54
Auditorlik hisoboti bo‘yicha standartlar (Reporting standards) –
audit tekshiruvi yakunida tayyorlanishi lozim bo‘lgan auditorlik
hisoboti shakli,
mohiyati, ma’lumotlarni aks ettirish tartibi
borasidagi talablarni belgilab beradi.
Buxgalterlar xalqaro federatsiyasi (International Federation of
Accountants) – yuqori sifatli xalqaro standartlarni ishlab chiqish
va amaliyotga joriy etish, o‘z a’zolari o‘rtasidagi hamkorlikni
ta’minlash, xalqaro tashkilotlar bilan hamkorlikni ta’minlash va
buxgalteriya sohasini xalqaro miqyosda
tartibga solish hamda
muvofiqlashtirish maqsadida 1977-yilda Myunxen (Germaniya)
da 11 ‒ Buxgalterlar Jahon Kongressida tuzilgan tashkilot.
Hozirda boshqaruv organi Nyu-York shahrida joylashgan.
Ishchi standartlar (Field work standards) – audit tekshiruvi
jarayonida auditor amal qilishi lozim bo‘lgan
qonun-qoidalarni
aks ettiradi (rejalashtirish, nazorat, yetarli miqdordagi dalillarni
to‘plash va ichki nazorat tizimini baholash).
Umumiy standartlar (General standards) – auditor o‘z oldida turgan
vazifalarni samarali bajarishi uchun ega bo‘lishi
talab etiladigan
sifat va malakaviy talablarni ifoda etadi (tayyorgarlik, malaka,
mustaqillik, xolislik, tekshiruv jarayonida e’tiborlilik).
Chia sẻ với bạn bè của bạn: