Parajikapali (Vin para.)



tải về 10.38 Mb.
trang3/23
Chuyển đổi dữ liệu13.03.2018
Kích10.38 Mb.
#36459
1   2   3   4   5   6   7   8   9   ...   23

2. Dutiyaparajikam


(Para.III,41.)

84. Tena samayena Buddho Bhagava Rajagahe viharati Gijjhakute pabbate. Tena kho pana samayena sambahula sandittha sambhatta bhikkhu Isigilipasse tinakutiyo karitva vassam upagacchimsu. Ayasmapi Dhaniyo kumbhakaraputto tinakutikam karitva vassam upagacchi. Atha kho te (CS:Para.pg.51) bhikkhu vassamvuttha temasaccayena tinakutiyo bhinditva tinabca katthabca patisametva janapadacarikam pakkamimsu. Ayasma pana Dhaniyo kumbhakaraputto tattheva vassam vasi, tattha hemantam, tattha gimham. Atha kho ayasmato Dhaniyassa kumbhakaraputtassa gamam pindaya pavitthassa tinahariyo katthahariyo tinakutikam bhinditva tinabca katthabca adaya agamamsu. Dutiyampi kho ayasma Dhaniyo kumbhakaraputto tinabca katthabca samkaddhitva tinakutikam akasi. Dutiyampi kho ayasmato Dhaniyassa kumbhakaraputtassa gamam pindaya pavitthassa tinahariyo katthahariyo tinakutikam bhinditva tinabca katthabca adaya agamamsu. Tatiyampi kho ayasma Dhaniyo kumbhakaraputto tinabca katthabca samkaddhitva tinakutikam akasi. Tatiyampi kho ayasmato Dhaniyassa kumbhakaraputtassa gamam pindaya pavitthassa tinahariyo katthahariyo tinakutikam bhinditva tinabca katthabca adaya agamamsu.

Atha kho ayasmato Dhaniyassa kumbhakaraputtassa etadahosi-- “Yavatatiyakam kho me gamam pindaya pavitthassa tinahariyo katthahariyo tinakutikam bhinditva tinabca katthabca adaya agamamsu. Aham kho pana susikkhito anavayo sake acariyake kumbhakarakamme pariyodatasippo. Yamnunaham samam cikkhallam madditva sabbamattikamayam kutikam kareyyan”ti! Atha kho ayasma Dhaniyo kumbhakaraputto samam cikkhallam madditva (Para.III,42.) sabbamattikamayam kutikam karitva tinabca katthabca gomayabca samkaddhitva tam kutikam paci. Sa ahosi kutika abhirupa dassaniya pasadika lohitika § , seyyathapi indagopako. Seyyathapi nama kivkanikasaddo § evamevam tassa kutikaya saddo ahosi.

85. Atha kho Bhagava sambahulehi bhikkhuhi saddhim Gijjhakuta pabbata orohanto addasa tam kutikam abhirupam dassaniyam pasadikam lohitikam. Disvana bhikkhu amantesi-- “Kim etam, bhikkhave, abhirupam dassaniyam pasadikam lohitikam, seyyathapi indagopako”ti? Atha kho te bhikkhu Bhagavato etamattham arocesum. Vigarahi Buddho Bhagava– “Ananucchavikam, bhikkhave, tassa moghapurisassa ananulomikam appatirupam assamanakam (CS:Para.pg.52) akappiyam akaraniyam. Kathabhi nama so, bhikkhave, moghapuriso sabbamattikamayam kutikam karissati! Na hi nama, bhikkhave, tassa moghapurisassa panesu anuddaya anukampa avihesa bhavissati! Gacchathetam, bhikkhave, kutikam bhindatha. Ma pacchima janata panesu patabyatam apajji. Na ca, bhikkhave, sabbamattikamaya kutika katabba. Yo kareyya, apatti dukkatassa”ti. “Evam, bhante”ti, kho te bhikkhu Bhagavato patissunitva yena sa kutika tenupasavkamimsu; upasavkamitva tam kutikam bhindimsu. Atha kho ayasma Dhaniyo kumbhakaraputto te bhikkhu etadavoca-- “Kissa me tumhe, avuso, kutikam bhindatha”ti? “Bhagava, avuso, bhedapeti”ti. “Bhindathavuso, sace dhammassami bhedapeti”ti.

86. Atha kho ayasmato Dhaniyassa kumbhakaraputtassa etadahosi-- “Yavatatiyakam kho me gamam pindaya pavitthassa tinahariyo katthahariyo tinakutikam bhinditva tinabca katthabca adaya agamamsu. Yapi maya sabbamattikamaya kutika kata sapi Bhagavata bhedapita. Atthi ca me darugahe ganako sandittho. Yamnunaham darugahe ganakam daruni yacitva darukutikam kareyyan”ti. Atha kho ayasma Dhaniyo kumbhakaraputto yena darugahe ganako tenupasavkami; upasavkamitva darugahe ganakam etadavoca-- “Yavatatiyakam kho me, avuso, gamam pindaya pavitthassa tinahariyo katthahariyo tinakutikam bhinditva tinabca katthabca adaya agamamsu. Yapi maya sabbamattikamaya kutika kata sapi Bhagavata bhedapita Dehi me, avuso, daruni. Icchami darukutikam § katun”ti. “Natthi, bhante, tadisani daruni yanaham ayyassa dadeyyam. (Para.III,43.) Atthi bhante, devagahadaruni nagarapatisavkharikani apadatthaya nikkhittani. Sace tani daruni raja dapeti harapetha, bhante”ti. “Dinnani, avuso, rabba”ti. Atha kho darugahe ganakassa etadahosi-- “Ime kho samana Sakyaputtiya dhammacarino samacarino § brahmacarino saccavadino silavanto kalyanadhamma. Rajapimesam abhippasanno. Narahati adinnam dinnanti vattun”ti. Atha kho darugahe (CS:Para.pg.53) ganako ayasmantam Dhaniyam kumbhakaraputtam etadavoca-- “Harapetha, bhante”ti. Atha kho ayasma Dhaniyo kumbhakaraputto tani daruni khandakhandikam chedapetva sakatehi nibbahapetva darukutikam akasi.

87. Atha kho Vassakaro brahmano Magadhamahamatto Rajagahe kammante anusabbayamano yena darugahe ganako tenupasavkami; upasavkamitva darugahe ganakam etadavoca-- “Yani tani, bhane, devagahadaruni nagarapatisavkharikani apadatthaya nikkhittani kaham tani daruni”ti? “Tani, sami, daruni devena ayyassa Dhaniyassa kumbhakaraputtassa dinnani”ti. Atha kho Vassakaro brahmano Magadhamahamatto anattamano ahosi– “Kathabhi nama devo devagahadaruni nagarapatisavkharikani apadatthaya nikkhittani Dhaniyassa kumbhakaraputtassa dassati”ti! Atha khoVassakaro brahmano Magadhamahamatto yena raja Magadho Seniyo Bimbisaro tenupasavkami; upasavkamitva rajanam Magadham Seniyam Bimbisaram etadavoca-- “Saccam kira, devena § devagahadaruni nagarapatisavkharikani apadatthaya nikkhittani Dhaniyassa kumbhakaraputtassa dinnani”ti? “Ko evamaha”ti? “Darugahe ganako, deva”ti. “Tena hi, brahmana, darugahe ganakam anapehi”ti. Atha khoVassakaro brahmano Magadhamahamatto darugahe ganakam bandham § anapesi. Addasa kho ayasma Dhaniyo kumbhakaraputto darugahe ganakam bandham niyyamanam. Disvana darugahe ganakam etadavoca-- “Kissa tvam, avuso, bandho niyyasi”ti? “Tesam, bhante, darunam kicca”ti. “Gacchavuso, ahampi agacchami”ti. “Eyyasi, bhante, puraham habbami”ti.

88. Atha kho ayasma Dhaniyo kumbhakaraputto yena rabbo Magadhassa Seniyassa Bimbisarassa nivesanam tenupasavkami; upasavkamitva pabbatte asane nisidi. Atha kho raja Magadho Seniyo Bimbisaro yenayasma Dhaniyo kumbhakaraputto (Para.III,44.) tenupasavkami; upasavkamitva ayasmantam Dhaniyam kumbhakaraputtam abhivadetva ekamantam nisidi. Ekamantam nisinno kho raja Magadho Seniyo Bimbisaro ayasmantam Dhaniyam kumbhakaraputtam (CS:Para.pg.54) etadavoca-- “Saccam kira maya, bhante, devagahadaruni nagarapatisavkharikani apadatthaya nikkhittani ayyassa dinnani”ti? “Evam, maharaja”ti. “Mayam kho, bhante, rajano nama bahukicca bahukaraniya, datvapi na sareyyama; ivgha, bhante, sarapehi”ti. “Sarasi tvam, maharaja, pathamabhisitto evarupim vacam bhasita– “Dinnabbeva samanabrahmananam tinakatthodakam paribhubjantu”ti. “Saramaham, bhante. Santi, bhante, samanabrahmana lajjino kukkuccaka sikkhakama. Tesam appamattakepi kukkuccam uppajjati. Tesam maya sandhaya bhasitam, tabca kho arabbe apariggahitam. So tvam, bhante, tena lesena daruni adinnam haritum mabbasi! Kathabhi nama madiso samanam va brahmanam va vijite vasantam haneyya va bandheyya va pabbajeyya va! Gaccha, bhante, lomena tvam muttosi. Massu punapi evarupam akasi”ti. Manussa ujjhayanti khiyyanti vipacenti– “Alajjino ime samana Sakyaputtiya dussila musavadino. Ime hi nama dhammacarino samacarino brahmacarino saccavadino silavanto kalyanadhamma patijanissanti! Natthi imesam samabbam, natthi imesam brahmabbam. Nattham imesam samabbam, nattham imesam brahmabbam. Kuto imesam samabbam, kuto imesam brahmabbam! Apagata ime samabba, apagata ime brahmabba. Rajanampi ime vabcenti, kim panabbe manusse”ti! Assosum kho bhikkhu tesam manussanam ujjhayantanam khiyyantanam vipacentanam. Ye te bhikkhu appiccha santuttha lajjino kukkuccaka sikkhakama te ujjhayanti khiyyanti vipacenti– “Kathabhi nama ayasma Dhaniyo kumbhakaraputto rabbo daruni adinnam adiyissati”ti! Atha kho te bhikkhu ayasmantam Dhaniyam kumbhakaraputtam anekapariyayena vigarahitva Bhagavato etamattham arocesum. Atha kho Bhagava etasmim nidane etasmim pakarane bhikkhusavgham sannipatapetva ayasmantam Dhaniyam kumbhakaraputtam patipucchi--”Saccam kira tvam, Dhaniya, rabbo daruni adinnam adiyi”ti? “Saccam, Bhagava”ti. Vigarahi Buddho Bhagava– “Ananucchavikam, moghapurisa, ananulomikam appatirupam assamanakam akappiyam akaraniyam. Kathabhi nama tvam, moghapurisa (Para.III,45.) rabbo daruni adinnam adiyissasi! Netam, moghapurisa, appasannanam va pasadaya pasannanam va bhiyyobhavaya; athakhvetam, moghapurisa, appasannanabceva appasadaya pasannanabca ekaccanam abbathattaya”ti.

Tena (CS:Para.pg.55) kho pana samayena abbataro puranavohariko mahamatto bhikkhusu pabbajito Bhagavato avidure nisinno hoti. Atha kho Bhagava tam bhikkhum etadavoca-- “Kittakena kho bhikkhu raja Magadho Seniyo Bimbisaro coram gahetva hanati va bandhati va pabbajeti va”ti? “Padena va, Bhagava, padarahena va”ti § . Tena kho pana samayena Rajagahe pabcamasako pado hoti. Atha kho Bhagava ayasmantam Dhaniyam kumbhakaraputtam anekapariyayena vigarahitva dubbharataya …pe… evabca pana, bhikkhave, imam sikkhapadam uddiseyyatha–

89. “Yo pana bhikkhu adinnam theyyasavkhatam adiyeyya, yatharupe adinnadane rajano coram gahetva haneyyum va bandheyyum va pabbajeyyum va ‘corosi balosi mulhosi thenosi’ti, tatharupam bhikkhu adinnam adiyamano ayampi parajiko hoti asamvaso”ti.

Evabcidam Bhagavata bhikkhunam sikkhapadam pabbattam hoti.

90. Te na kho pana samayena chabbaggiya bhikkhu rajakattharanam gantva rajakabhandikam avaharitva aramam haritva bhajesum. Bhikkhu evamahamsu– “Mahapubbattha tumhe, avuso. Bahum tumhakam civaram uppannan”ti. “Kuto avuso, amhakam pubbam, idani mayam rajakattharanam gantva rajakabhandikam avaharimha”ti. “Nanu, avuso, Bhagavata sikkhapadam pabbattam. Kissa tumhe, avuso, rajakabhandikam avaharittha”ti “Saccam, avuso, Bhagavata sikkhapadam pabbattam. Tabca kho game, no arabbe”ti. “Nanu, avuso, tathevetam hoti. Ananucchavikam, avuso, ananulomikam appatirupam assamanakam akappiyam akaraniyam. Kathabhi nama tumhe, avuso, rajakabhandikam avaharissatha! Netam, avuso, appasannanam va pasadaya pasannanam va bhiyyobhavaya; athakhvetam, avuso, appasannanabceva appasadaya pasannanabca ekaccanam abbathattaya”ti. Atha kho te bhikkhu chabbaggiye bhikkhu anekapariyayena vigarahitva (Para.III,46.) Bhagavato etamattham arocesum. Atha (CS:Para.pg.56) kho Bhagava etasmim nidane etasmim pakarane bhikkhusavgham sannipatapetva chabbaggiye bhikkhu patipucchi--”Saccam kira tumhe, bhikkhave, rajakattharanam gantva rajakabhandikam avaharittha”ti? “Saccam, Bhagava”ti. Vigarahi Buddho Bhagava– “Ananucchavikam, moghapurisa, ananulomikam appatirupam assamanakam akappiyam akaraniyam. Kathabhi nama tumhe, moghapurisa, rajakabhandikam avaharissatha! Netam, moghapurisa, appasannanam va pasadaya pasannanam va bhiyyobhavaya; atha khvetam, moghapurisa, appasannanabceva appasadaya pasannanabca ekaccanam abbathattaya”ti. Atha kho Bhagava chabbaggiye bhikkhu anekapariyayena vigarahitva dubbharataya …pe… viriyarambhassa vannam bhasitva bhikkhunam tadanucchavikam tadanulomikam dhammim katham katva bhikkhu amantesi …pe… “Evabca pana, bhikkhave, imam sikkhapadam uddiseyyatha–

91. “Yo pana bhikkhu gama va arabba va adinnam theyyasavkhatam adiyeyya, yatharupe adinnadane rajano coram gahetva haneyyum va bandheyyum va pabbajeyyum va– ‘corosi balosi mulhosi thenosi’ti, tatharupam bhikkhu adinnam adiyamano ayampi parajiko hoti asamvaso”ti.

92. Yo panati yo yadiso …pe… bhikkhuti …pe… ayam imasmim atthe adhippeto bhikkhuti.

Gamo nama ekakutikopi gamo, dvikutikopi gamo, tikutikopi gamo, catukutikopi gamo, samanussopi gamo, amanussopi gamo, parikkhittopi gamo, aparikkhittopi gamo, gonisadinivitthopi gamo, yopi sattho atirekacatumasanivittho sopi vuccati gamo.

Gamupacaro nama parikkhittassa gamassa indakhile § thitassa majjhimassa purisassa leddupato, aparikkhittassa gamassa gharupacare thitassa majjhimassa purisassa leddupato.

Arabbam (CS:Para.pg.57) nama thapetva gamabca gamupacarabca avasesam arabbam nama.

Adinnam namam yam adinnam anissattham apariccattam rakkhitam gopitam mamayitam parapariggahitam. Etam adinnam nama.

Theyyasavkhatanti theyyacitto avaharanacitto.

Adiyeyyati adiyeyya hareyya avahareyya iriyapatham vikopeyya thana caveyya savketam vitinameyya.

Yatharupam nama padam va padaraham va atirekapadam va.

(Para.III,47.) Rajano nama pathabyaraja padesaraja mandalika antarabhogika akkhadassa mahamatta, ye va pana chejjabhejjam karonta anusasanti. Ete rajano nama.



Coro nama yo pabcamasakam va atirekapabcamasakam va agghanakam adinnam theyyasavkhatam adiyati. Eso coro nama.

Haneyyum vati hatthena va padena va kasaya va vettena va addhadandakena va chejjaya va haneyyum.

Bandheyyum vati rajjubandhanena va andubandhanena va savkhalikabandhanena va gharabandhanena va nagarabandhanena va gamabandhanena va nigamabandhanena va bandheyyum, purisaguttim va kareyyum.

Pabbajeyyum vati gama va nigama va nagara va janapada va janapadapadesa va pabbajeyyum.

Corosi balosi mulhosi thenositi paribhaso eso.

Tatharupam nama padam va padaraham va atirekapadam va.

Adiyamanoti adiyamano haramano avaharamano iriyapatham vikopayamano thana cavayamano savketam vitinamayamano.

Ayampiti (CS:Para.pg.58) purimam upadaya vuccati.

Parajiko hotiti seyyathapi nama pandupalaso bandhana pavutto § abhabbo haritatthaya § , evameva bhikkhu padam va padaraham va atirekapadam va adinnam theyyasavkhatam adiyitva assamano hoti asakyaputtiyo. Tena vuccati– ‘parajiko hoti’ti.

Asamvasoti samvaso nama ekakammam ekuddeso samasikkhata. Eso samvaso nama. So tena saddhim natthi. Tena vuccati– ‘asamvaso’ti.

93. Bhumattham thalattham akasattham vehasattham udakattham navattham yanattham bharattham aramattham viharattham khettattham vatthuttham gamattham arabbattham udakam dantaponam § vanappati haranakam upanidhi suvkaghatam pano apadam dvipadam catuppadam bahuppadam ocarako onirakkho samvidavaharo savketakammam nimittakammanti.

94. Bhumattham nama bhandam bhumiyam nikkhittam hoti nikhatam paticchannam. Bhumattham bhandam avaharissamiti theyyacitto dutiyam va pariyesati kudalam va pitakam va pariyesati gacchati va, apatti dukkatassa. (Para.III,48.) Tattha jatakam kattham va latam va chindati, apatti dukkatassa. Tattha pamsum khanati va byuhati § va uddharati va, apatti dukkatassa. Kumbhim amasati, apatti dukkatassa. Phandapeti, apatti thullaccayassa. Thana caveti, apatti parajikassa. Attano bhajanam pavesetva pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Attano bhajanagatam va karoti mutthim va chindati, apatti parajikassa. Suttarulham bhandam pamavgam va kanthasuttakam va katisuttakam va satakam va vethanam va theyyacitto amasati, apatti dukkatassa. Phandapeti, apatti thullaccayassa. Kotiyam gahetva uccareti, apatti thullaccayassa. Ghamsanto niharati, apatti (CS:Para.pg.59) thullaccayassa. Antamaso kesaggamattampi kumbhimukha moceti, apatti parajikassa. Sappim va telam va madhum va phanitam va pabcamasakam va atirekapabcamasakam va agghanakam theyyacitto ekena payogena pivati, apatti parajikassa. Tattheva bhindati va chaddeti va jhapeti va aparibhogam va karoti, apatti dukkatassa.

95. Thalattham nama bhandam thale nikkhittam hoti. Thalattham bhandam avaharissamiti theyyacitto dutiyam va pariyesati gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa.

96. Akasattham nama bhandam akasagatam hoti. Moro va kapibjaro va tittiro va vattako va, satakam va vethanam va hirabbam va suvannam va chijjamanam patati. Akasattham bhandam avaharissamiti theyyacitto dutiyam va pariyesati gacchati va, apatti dukkatassa Gamanam upacchindati, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa.

97. Vehasattham nama bhandam vehasagatam hoti. Mabce va pithe va civaravamse va civararajjuya va bhittikhile va nagadante va rukkhe va laggitam hoti, antamaso pattadharakepi. Vehasattham bhandam avaharissamiti theyyacitto dutiyam va pariyesati gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa.

(Para.III,49.) 98. Udakattham nama bhandam udake nikkhittam hoti. udakattham bhandam avaharissamiti theyyacitto dutiyam va pariyesati gacchati va, apatti dukkatassa. Nimujjati va ummujjati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa. Tattha jatakam uppalam va padumam va pundarikam va bhisam va maccham va kacchapam va pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa.

99. Nava (CS:Para.pg.60) nama yaya tarati. Navattham nama bhandam navaya nikkhittam hoti. “Navattham bhandam avaharissami”ti theyyacitto dutiyam va pariyesati gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa. Navam avaharissamiti theyyacitto dutiyam va pariyesati gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Bandhanam moceti, apatti dukkatassa. Bandhanam mocetva amasati, apatti dukkatassa. Phandapeti, apatti thullaccayassa. Uddham va adho va tiriyam va antamaso kesaggamattampi savkameti, apatti parajikassa.

100. Yanam nama vayham ratho sakatam sandamanika. Yanattham nama bhandam yane nikkhittam hoti. Yanattham bhandam avaharissamiti theyyacitto dutiyam va pariyesati gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa. Yanam avaharissamiti theyyacitto dutiyam va pariyesati gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa.

101. Bharo nama sisabharo khandhabharo katibharo olambako. Sise bharam theyyacitto amasati, apatti dukkatassa. Phandapeti, apatti thullaccayassa. Khandham oropeti, apatti parajikassa. Khandhe bharam theyyacitto amasati, apatti dukkatassa. Phandapeti, apatti thullaccayassa. Katim oropeti, apatti parajikassa. Katiya bharam theyyacitto amasati, apatti dukkatassa. Phandapeti, apatti thullaccayassa. Hatthena ganhati, apatti parajikassa. Hatthe bharam theyyacitto bhumiyam nikkhipati, apatti parajikassa. Theyyacitto bhumito ganhati, apatti parajikassa.

102. Aramo nama puppharamo phalaramo. Aramattham nama bhandam arame catuhi thanehi nikkhittam hoti– bhumattham thalattham, akasattham, vehasattham. Aramattham bhandam (Para.III,50.) avaharissamiti theyyacitto dutiyam va pariyesati (CS:Para.pg.61) gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa. Tattha jatakam mulam va tacam va pattam va puppham va phalam va pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa. Aramam abhiyubjati, apatti dukkatassa. Samikassa vimatim uppadeti, apatti thullaccayassa. Samiko na mayham bhavissatiti dhuram nikkhipati, apatti parajikassa. Dhammam caranto samikam parajeti, apatti parajikassa. Dhammam caranto parajjati, apatti thullaccayassa.

103. Viharattham nama bhandam vihare catuhi thanehi nikkhittam hoti– bhumattham, thalattham, akasattham, vehasattham. Viharattham bhandam avaharissamiti theyyacitto dutiyam va pariyesati gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa. Viharam abhiyubjati, apatti dukkatassa. Samikassa vimatim uppadeti, apatti thullaccayassa. Samiko na mayham bhavissatiti dhuram nikkhipati, apatti parajikassa. Dhammam caranto samikam parajeti, apatti parajikassa. Dhammam caranto parajjati, apatti thullaccayassa.

104. Khettam nama yattha pubbannam va aparannam va jayati. Khettattham nama bhandam khette catuhi thanehi nikkhittam hoti– bhumattham, thalattham, akasattham, vehasattham. Khettattham bhandam avaharissamiti theyyacitto dutiyam va pariyesati gacchati va, apatti, dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa. Tattha jatakam pubbannam va aparannam va pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa. Khettam abhiyubjati, apatti dukkatassa. Samikassa vimatim uppadeti, apatti thullaccayassa. Samiko na mayham bhavissatiti dhuram nikkhipati, apatti parajikassa. Dhammam caranto samikam parajeti, apatti parajikassa. Dhammam caranto parajjati, apatti thullaccayassa. Khilam va rajjum (CS:Para.pg.62) va vatim va mariyadam va savkameti, apatti dukkatassa. Ekam payogam anagate, apatti thullaccayassa. Tasmim payoge agate, apatti parajikassa.

105. Vatthu nama aramavatthu viharavatthu. Vatthuttham nama bhandam vatthusmim catuhi thanehi nikkhittam hoti– bhumattham, thalattham, akasattham, vehasattham. Vatthuttham bhandam avaharissamiti theyyacitto dutiyam va pariyesati gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa. Vatthum abhiyubjati, apatti dukkatassa. Samikassa vimatim uppadeti, apatti thullaccayassa. Samiko na mayham bhavissatiti dhuram nikkhipati, apatti parajikassa. Dhammam caranto samikam parajeti, apatti parajikassa. Dhammam caranto parajjati, apatti thullaccayassa. Khilam va rajjum va vatim va pakaram va savkameti, apatti dukkatassa. Ekam payogam anagate apatti thullaccayassa. Tasmim payoge agate apatti parajikassa.

106. Gamattham nama bhandam game catuhi thanehi nikkhittam hoti bhumattham, thalattham, akasattham, vehasattham. Gamattham bhandam avaharissamiti theyyacitto dutiyam va pariyesati gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa.

(Para.III,51.) 107. Arabbam nama yam manussanam pariggahitam hoti, tam arabbam. Arabbattham nama bhandam arabbe catuhi thanehi nikkhittam hoti– bhumattham, thalattham, akasattham, vehasattham. Arabbattham bhandam avaharissamiti theyyacitto dutiyam va pariyesati gacchati va, apatti dukkatassa. Amasati, apatti dukkatassa. Phandapeti, apatti thullaccayassa. Thana caveti, apatti parajikassa. Tattha jatakam kattham va latam va tinam va pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa.

108. Udakam (CS:Para.pg.63) nama bhajanagatam va hoti pokkharaniya va talake va. Theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa Attano bhajanam pavesetva pabcamasakam va atirekapabcamasakam va agghanakam udakam theyyacitto amasati, apatti dukkatassa. Phandapeti, apatti thullaccayassa. Attano bhajanagatam karoti, apatti parajikassa. Mariyadam bhindati, apatti dukkatassa. mariyadam bhinditva pabcamasakam va atirekapabcamasakam va agghanakam udakam nikkhameti, apatti parajikassa. Atirekamasakam va unapabcamasakam va agghanakam udakam nikkhameti, apatti thullaccayassa. Masakam va unamasakam va agghanakam udakam nikkhameti, apatti dukkatassa.

109. Dantaponam nama chinnam va acchinnam va. Pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa.

110. Vanappati nama yo manussanam pariggahito hoti rukkho paribhogo. Theyyacitto chindati, pahare pahare apatti dukkatassa. Ekam paharam anagate, apatti thullaccayassa. Tasmim pahare agate, apatti parajikassa.

111. Haranakam nama abbassa haranakam bhandam. Theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa. Sahabhandaharakam padasa nessamiti pathamam padam savkameti, apatti thullaccayassa. Dutiyam padam savkameti, apatti parajikassa. Patitam bhandam gahessamiti patapeti, apatti dukkatassa. Patitam bhandam pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa.

112. Upanidhi nama upanikkhittam bhandam. Dehi me bhandanti vuccamano naham ganhamiti bhanati, apatti dukkatassa. Samikassa vimatim uppadeti (CS:Para.pg.64) apatti thullaccayassa (Para.III,52.) Samiko na mayham dassatiti dhuram nikkhipati, apatti parajikassa. Dhammam caranto samikam parajeti, apatti parajikassa. Dhammam caranto parajjati, apatti thullaccayassa.

113. Suvkaghatam nama rabba thapitam hoti pabbatakhande va nadititthe va gamadvare va– ‘atra pavitthassa suvkam ganhantu’ti. Tatra pavisitva rajaggam § bhandam pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Pathamam padam suvkaghatam atikkameti, apatti thullaccayassa. Dutiyam padam atikkameti, apatti parajikassa. Antosuvkaghate thito bahisuvkaghatam pateti, apatti parajikassa. Suvkam pariharati, apatti dukkatassa.

114. Pano nama manussapano vuccati. Theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa. Padasa nessamiti pathamam padam savkameti, apatti thullaccayassa. Dutiyam padam savkameti, apatti parajikassa.

Apadam nama ahi maccha. Pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa.

115. Dvipadam nama manussa, pakkhajata. Theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa. Padasa nessamiti pathamam padam savkameti, apatti thullaccayassa. Dutiyam padam savkameti, apatti parajikassa.

116. Catuppadam nama– hatthi assa ottha gona gadrabha pasuka. Theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa. Padasa nessamiti pathamam padam savkameti, apatti thullaccayassa. Dutiyam padam savkameti, apatti (CS:Para.pg.65) thullaccayassa. Tatiyam padam savkameti, apatti thullaccayassa. Catuttham padam savkameti, apatti parajikassa.

117. Bahuppadam nama– vicchika satapadi uccalivgapanaka. Pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa. Padasa nessamiti savkameti, pade pade apatti thullaccayassa. Pacchimam padam savkameti, apatti parajikassa.

118. Ocarako nama bhandam ocaritva acikkhati– “Itthannamam bhandam avahara”ti, apatti dukkatassa. So tam bhandam avaharati, apatti ubhinnam parajikassa.

(Para.III,53.) Onirakkho nama ahatam bhandam gopento pabcamasakam va atirekapabcamasakam va agghanakam theyyacitto amasati, apatti dukkatassa. Phandapeti, apatti thullaccayassa. Thana caveti, apatti parajikassa.



Samvidavaharo nama sambahula samvidahitva eko bhandam avaharati, apatti sabbesam parajikassa.

119. Savketakammam nama savketam karoti– “Purebhattam va pacchabhattam va rattim va diva va tena savketena tam bhandam avahara”ti, apatti dukkatassa. Tena savketena tam bhandam avaharati, apatti ubhinnam parajikassa. Tam savketam pure va paccha va tam bhandam avaharati, mulatthassa anapatti. Avaharakassa apatti parajikassa.

120. Nimittakammam nama nimittam karoti. Akkhim va nikhanissami bhamukam va ukkhipissami sisam va ukkhipissami, tena nimittena tam bhandam avaharati, apatti dukkatassa. Tena nimittena tam bhandam avaharati, apatti ubhinnam parajikassa. Tam nimittam pure va paccha va tam bhandam avaharati, mulatthassa anapatti. Avaharakassa apatti parajikassa.

121. Bhikkhu (CS:Para.pg.66) bhikkhum anapeti– “Itthannamam bhandam avahara”ti, apatti dukkatassa. So tam mabbamano tam avaharati, apatti ubhinnam parajikassa.

Bhikkhu bhikkhum anapeti– “Itthannamam bhandam avahara”ti, apatti dukkatassa. So tam mabbamano abbam avaharati, mulatthassa anapatti. Avaharakassa apatti parajikassa.

Bhikkhu bhikkhum anapeti– “Itthannamam bhandam avahara”ti, apatti dukkatassa. So abbam mabbamano tam avaharati, apatti ubhinnam parajikassa.

Bhikkhu bhikkhum anapeti– “Itthannamam bhandam avahara”ti, apatti dukkatassa. So abbam mabbamano abbam avaharati, mulatthassa anapatti. Avaharakassa apatti parajikassa.

Bhikkhu bhikkhum anapeti– “Itthannamassa pavada– ‘itthannamo itthannamassa pavadatu– itthannamo itthannamam bhandam avaharatu’”ti, apatti dukkatassa. So itarassa aroceti, apatti dukkatassa. Avaharako patigganhati, mulatthassa apatti thullaccayassa. So tam bhandam avaharati, apatti sabbesam parajikassa.

Bhikkhu bhikkhum anapeti– “Itthannamassa pavada– ‘itthannamo itthannamassa pavadatu– itthannamo itthannamam bhandam avaharatu’”ti, apatti dukkatassa. So abbam anapeti, apatti dukkatassa. Avaharako patigganhati, apatti dukkatassa. So tam bhandam avaharati, mulatthassa anapatti. Anapakassa ca avaharakassa ca apatti parajikassa.

Bhikkhu bhikkhum anapeti– (Para.III,54.) “Itthannamam bhandam avahara”ti, apatti dukkatassa. So gantva puna paccagacchati– “Naham sakkomi tam bhandam avaharitun”ti. So puna anapeti– “Yada sakkosi tada tam bhandam avahara”ti, apatti dukkatassa. So tam bhandam avaharati, apatti ubhinnam parajikassa.

Bhikkhu (CS:Para.pg.67) bhikkhum anapeti– “Itthannamam bhandam avahara”ti, apatti dukkatassa. So anapetva vippatisari na saveti– “Ma avahari”ti. So tam bhandam avaharati, apatti ubhinnam parajikassa.

Bhikkhu bhikkhum anapeti– “Itthannamam bhandam avahara”ti, apatti dukkatassa. So anapetva vippatisari saveti– “Ma avahari”ti. So “Anatto aham taya”ti, tam bhandam avaharati, mulatthassa anapatti. Avaharakassa apatti parajikassa.

Bhikkhu bhikkhum anapeti– “Itthannamam bhandam avahara”ti, apatti dukkatassa. So anapetva vippatisari saveti– “Ma avahari”ti. So “Sadhu”ti § ? Oramati, ubhinnam anapatti.

122. Pabcahi akarehi adinnam adiyantassa apatti parajikassa– parapariggahitabca hoti, parapariggahitasabbi ca, garuko ca hoti parikkharo, pabcamasako va atirekapabcamasako va, theyyacittabca paccupatthitam hoti. Amasati, apatti dukkatassa. Phandapeti, apatti thullaccayassa. Thana caveti, apatti parajikassa.

123. Pabcahi akarehi adinnam adiyantassa apatti thullaccayassa– parapariggahitabca hoti, parapariggahitasabbi ca, lahuko ca hoti parikkharo, atirekamasako va unapabcamasako va, theyyacittabca paccupatthitam hoti. Amasati, apatti dukkatassa. Phandapeti, apatti dukkatassa. Thana caveti, apatti thullaccayassa.

124. Pabcahi akarehi adinnam adiyantassa apatti dukkatassa. Parapariggahitabca hoti, parapariggahitasabbi ca, lahuko ca hoti parikkharo, masako va unamasako va, theyyacittabca paccupatthitam hoti. Amasati, apatti dukkatassa. Phandapeti, apatti dukkatassa. Thana caveti, apatti dukkatassa.

125. Chahi akarehi adinnam adiyantassa apatti parajikassa. Na ca sakasabbi, na ca vissasaggahi, na ca tavakalikam, garuko ca hoti (CS:Para.pg.68) parikkharo, pabcamasako va atirekapabcamasako va, theyyacittabca paccupatthitam hoti. Amasati, apatti dukkatasa. Phandapeti, apatti thullaccayassa. Thana caveti, apatti parajikassa.

126. Chahi akarehi adinnam adiyantassa apatti thullaccayassa. Na ca sakasabbi, na ca vissasaggahi, na ca tavakalikam, lahuko ca hoti parikkharo atirekamasako (Para.III,55.) va unapabcamasako va, theyyacittabca paccupatthitam hoti. Amasati, apatti dukkatassa. Phandapeti, apatti dukkatassa. Thana caveti, apatti thullaccayassa.

127. Chahi akarehi adinnam adiyantassa apatti dukkatassa. Na ca sakasabbi, na ca vissasaggahi, na ca tavakalikam, lahuko ca hoti parikkharo, masako va unamasako va, theyyacittabca paccupatthitam hoti. Amasati, apatti dukkatassa. Phandapeti, apatti dukkatassa. Thana caveti, apatti dukkatassa.

128. Pabcahi akarehi adinnam adiyantassa apatti dukkatassa. Na ca parapariggahitam hoti, parapariggahitasabbi ca, garuko ca hoti parikkharo, pabcamasako va atirekapabcamasako va, theyyacittabca paccupatthitam hoti. Amasati, apatti dukkatassa. Phandapeti, apatti dukkatassa. Thana caveti, apatti dukkatassa.

129. Pabcahi akarehi adinnam adiyantassa apatti dukkatassa. Na ca parapariggahitam hoti, parapariggahitasabbi ca, lahuko ca hoti parikkharo, atirekamasako va unapabcamasako va, theyyacittabca paccupatthitam hoti. Amasati, apatti dukkatassa. Phandapeti, apatti dukkatassa. Thana caveti, apatti dukkatassa.

130. Pabcahi akarehi adinnam adiyantassa apatti dukkatassa. Na ca parapariggahitam hoti, parapariggahitasabbi ca, lahuko ca hoti parikkharo, masako va unamasako va, theyyacittabca paccupatthitam hoti. Amasati, apatti dukkatassa. Phandapeti, apatti dukkatassa. Thana caveti, apatti dukkatassa.

131. Anapatti (CS:Para.pg.69) sasabbissa, vissasaggahe, tavakalike, petapariggahe, tiracchanagatapariggahe, pamsukulasabbissa, ummattakassa, (khittacittassa vedanattassa) § adikammikassati.
Adinnadanamhi pathamabhanavaro nitthito.




tải về 10.38 Mb.

Chia sẻ với bạn bè của bạn:
1   2   3   4   5   6   7   8   9   ...   23




Cơ sở dữ liệu được bảo vệ bởi bản quyền ©hocday.com 2024
được sử dụng cho việc quản lý

    Quê hương